Siirry pääsisältöön

YKA, ámmátsearvvit ja suopmelaš bargoeallin

Servodatsuorggi allaskuvlejuvvon dahje YKA ovddasta servodatsuorggi allaskuvlejuvvon ámmátolbmuid.

Ámmátsearvvit

Mii lea ámmátsearvi?

Ámmátsearvi lea lahtuidis ovdduid ovddideaddji.

Ámmátsearvi ráđđádallá bálkkáin, bargoáiggiin, luomuin ja earáin bargoeavttuin bargoaddiin. Suopmelaš bargoláhkaásaheapmi meroštallá barggu bargamii viehka luomus eavttuid. Danin lea dehálaš, ahte ámmátsearvvit bearráigehččet bargiid ovdduin ja vuoigatvuođain.

Bargosajiin du veahkehit bargiidovddasteaddjit. Sii leat ámmátservviid skuvlen olbmot, geat čielggadit váttisvuođaid ja bearráigehččet dan, ahte bargoaddi čuovvu oktasaš soahpamušaid. Jus dus leat gažaldagat, sáhtát leat oktavuođas bargiidovddasteaddjái dahje du ámmátsearvvi áššedovdiide.

 

Manin gánneha gullat ámmátsearvái?

Jus leat ámmátlihtu lahttu, oaččot veahki ja rávvagiid bargui laktásan gažaldagain bargiidovddasteaddjiin, ámmátlihtu áššedovdiin ja iežat suorggi kollegain. Lassin sáhtát oassálastit ámmátlaš skuvlejumiide, hárjehusaide, dilálašvuođaide ja mentorprográmmaide, oažžut bargohárjehusa ja luovvat fierpmádagaid.

Jus leat bargo- dahje virgegaskavuođas, sáhtát maiddái searvat bargguhisvuođakássa lahttun. Jos bázat bargguheapmin ja deavddát barganeavttu, sáhtát oažžut dietnasii čatnašuvvan beaiveruđa. Kássa máksán dietnasii čatnašuvvan beaiveruhta lea dávjá stuorát go Kela máksán vuođđobeaiveruhta, nuba kássa lahttuvuohta lea dutnje ekonomalaččat ávkin.

Maiddái stuđeantta gánneha searvat ámmátsearvái jo stuđerenáigge. Jus searvvat maiddái bargguhisvuođakássa lahttun, sáhtát lasihit barganeavttu. Dát oaivvilda dan, ahte jos bázat bargguheapmin dan maŋŋá go leat geargan oahpuin, dus leat buoret vejolašvuođat oažžut dietnasii čatnašuvvan bargguhisvuođabeaiveruđa.

YKA

Servodatsuorggi allaskuvlejuvvon dahje YKA ovddasta servodatsuorggi allaskuvlejuvvon ámmátolbmuid.

Min lahtut barget ovdamearkka dihtii stáhtas, gielddain ja gielddaidovttastumiin, fitnodagain, servviin, buresbirgenguovlluin ja allaskuvllain. Min lahtuin gávdnojit ovdamearkka dihtii áššedovdit, ovdaolbmot ja hoavddat ja oahpahussuorggi ámmátolbmot. Mii hábmet badjel 13 000 servodatsuorggi ámmátlaččaid servoša.

YKA lahttun oaččot earet eará

  • bargo- ja priváhtaeallima láhkabálvalusaid
  • bálkárávvema ovdamearkka dihtii bálkádoaivaga meroštallamii dahje bálkábajádusráđđádallamiid doarjjan
  • máŋggabealat karriearabálvalusaid, dego karriearahárjehusaid ja karriearaburesveadjima dorjon bálvalusaid
  • skuvlejumiid ja hárjehusaid áigeguovdilis fáttáin
  • gokčevaš dáhkádusaid ovdamearkka dihtii mátkái
  • astoáigge ovdduid, dego vejolašvuođa láigohit luopmolanjadagaid

Oaččot YKAs bálvaleami suomagillii, ruoŧagillii ja eaŋgalasgillii.

Searvva YKAi: jasenasiat@yka.fi.